(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 238

॥ శ్రీః ॥
1.238. అధ్యాయః 238
Mahabharata - Adi Parva - Chapter Topics
అర్జునస్య ప్రభాసతీర్థగమనం॥ 1 ॥
తత్ర స్మృతిపథాగతసుభద్రారూపలావణ్యాదికం చింతయతోఽర్జునస్య పరివ్రాజకవేషస్వీకారేణ తస్యా హరణే నిశ్చయః॥ 2 ॥
అర్జునస్య చింతితజ్ఞానేన హసతా శ్రీకృష్ణేన సహ శాయిన్యా సత్యభామయా హాసకారణే పృష్టే తాం ప్రతి అర్జునవృత్తాంతకథనం॥ 3 ॥
సత్యభామాం శయనే విహాయ ఏకాకినా శ్రీకృష్ణేన ప్రభాసతీర్థంప్రతి ప్రస్థానం॥ 4 ॥
చారముఖేన అర్జునస్య తత్రాగమనం శ్రుత్వా కృష్ణస్య తత్రాగమనం॥ 5 ॥
అర్జునేన సంభాప్య కృష్ణస్య ద్వారకాంప్రతి పునరాగమనం॥ 6 ॥
Mahabharata - Adi Parva - Chapter Text

వైశంపాయన ఉవాచ। 1-238-0x(1283)(10270)
సోఽపరాంతేషు తీర్థాని పుణ్యాన్యాయతనాని చ।
సర్వాణ్యేవానుపూర్వ్యేణ జగామామితవిక్రమః॥ 1-238-1(10271)
సముద్రే పశ్చిమే యాని తీర్థాన్యాయతనాని చ।
తాని సర్వాణి గత్వా స ప్రభాసముపజగ్మివాన్॥ 1-238-2(10272)
`చింతయామాస రాత్రౌ తు గదేన కథితం పురా।
సుభద్రాయాశ్చ మాధుర్యరూపసంపద్గుణాని చ॥ 1-238-3(10273)
ప్రాప్తుమం తాం చింతయామాస కోఽత్రోపాయో భవేదితి।
వేషవైకృత్యమాపన్నః పరివ్రాజకరూపధృత్॥ 1-238-4(10274)
కుకురాంధకవృష్ణీనామజ్ఞాతో వేషధారణాత్।
భ్రమమాణశ్చరన్భైక్షం పరివ్రాజకవేషవాన్॥ 1-238-5(10275)
యేనకేనాప్యుపాయేన ప్రవిశ్య చ గృహం మహత్।
దృష్ట్వా సుభద్రాం కృష్ణస్య భగినీమేకసుందరీం॥ 1-238-6(10276)
వాసుదేవమతం జ్ఞాత్వా కరిష్యామి హితం శుభం।
ఏవం వినిశ్చయం కృత్వా దీక్షితో వై తదాఽభవత్॥ 1-238-7(10277)
త్రిదండీ ముండితః కుండీ అక్షమాలాంగులీయకః।
యోగభారం వహన్పార్థో వటవృక్షస్య కోటరం॥ 1-238-8(10278)
ప్రవిశంశ్చైవ బీభత్సుర్వృష్టిం వర్షతి వాసవే।
చింతయామాస దేవేశం కేశవం క్లేశనాశనం॥ 1-238-9(10279)
కేశవశ్చింతితం జ్ఞాత్వా దివ్యజ్ఞానేన దృష్టవాన్।
శయానః శయనే దివ్యే సత్యభామాసహాయవాన్॥ 1-238-10(10280)
కేశవః సహసా రాజంజహాయ చ ననంద చ।
పునః పునః సత్యభామా చాబ్రవీత్పురుషోత్తమం॥ 1-238-11(10281)
భగవంశ్చింతయావిష్టః శయనే శయితః సుఖం।
భవాన్బహుప్రకారేణ జహాస చ పునః పునః॥ 1-238-12(10282)
శ్రోతవ్యం యది వా కృష్ణ ప్రసాదో యది తే మయి।
వక్తుమర్హసి దేవేశ తచ్ఛ్రోతుం కామయాంయహం॥ 1-238-13(10283)
శ్రీభగవానువాచ। 1-238-14x(1284)
పితృష్వసుర్యః పుత్రో మే భీమసేనానుజోఽర్జునః।
తీర్థయాత్రాం గతః పార్థః కారణాత్సమయాత్తదా॥ 1-238-14(10284)
తీర్థయాత్రాసమాప్తౌ తు నివృత్తో నిశి భారతః।
సుభధ్రాం చింతయామాస రూపేణాప్రతిమాం భువి॥ 1-238-15(10285)
చింతయేన్నేవ తాం భద్రాం యతిరూపధరోఽర్జునః।
యతిరూపప్రతిచ్ఛన్నో ద్వారకాం ప్రాప్య మాధవీం॥ 1-238-16(10286)
యేనకేనాప్యుపాయేన దృష్ట్వా తు వరవర్ణినీం।
వాసుదేవమతం జ్ఞాత్వా ప్రయతిష్యే మనోరథం॥ 1-238-17(10287)
ఏవం వ్యవసితః పార్థో యతిలింగేన పాండవః।
ఛాయాయాం వటవృక్షస్య వృష్టిం వర్షతి వాసవే॥ 1-238-18(10288)
యోగభారం వహన్నేవ మానసం దుఃఖమాప్తవాన్।
ఏతదర్థం విజానీహి హసంతం మాం ముదా ప్రియే॥ 1-238-19(10289)
భ్రాతరం తవ పశ్యేతి సత్యభామాం వ్యసర్జయత్।
తత ఉత్థాయ శయనాత్ప్రస్థితో మధుసూదనః॥' 1-238-20(10290)
ప్రభాసదేశం సంప్రాప్తం బీభత్సుమపరాజితం।
తీర్థాన్యనుచరంతం తం శుశ్రావ మధుసూదనః॥ 1-238-21(10291)
చారాణాం చైవ వచనాదేకాకీ స జనార్దనః।
తత్రాభ్యగచ్ఛత్కౌంతేయం మహాత్మాతం స మాధవః॥ 1-238-22(10292)
దదృశాతే తదాన్యోన్యం ప్రభాసే కృష్ణపాండవౌ॥ 1-238-23(10293)
తావన్యోన్యం సమాశ్లిష్య పృష్ట్వా చ కుశలం వనే।
ఆస్తాం ప్రియసఖాయౌ తౌ నరనారాయణావృషీ॥ 1-238-24(10294)
తతోఽర్జునం వాసుదేవస్తాం చర్యాం పర్యపృచ్ఛత।
కిమర్థం పాండవైతాని తీర్థాన్యనుచరస్యుత॥ 1-238-25(10295)
తతోఽర్జనో యథావృత్తం సర్వమాఖ్యాతవాంస్తదా।
శ్రుత్వోవాచ చ వార్ష్ణేయ ఏవమేతదితి ప్రభుః॥ 1-238-26(10296)
తౌ విహృత్య యథాకామం ప్రభాసే కృష్ణపాండవౌ।
మహీధరం రైవతకం వాసాయైవాభిజగ్మతుః॥ 1-238-27(10297)
పూర్వమేవ తు కృష్ణస్య వచనాత్తం మహీధరం।
పురుషా మండయాంచక్రురుపజహ్రశ్చ భోజనం॥ 1-238-28(10298)
ప్రతిగృహ్యార్జునః సర్వముపభుజ్య చ పాండవః।
సహైవ వాసుదేవేన దృష్టవాన్నటనర్తకాన్॥ 1-238-29(10299)
అభ్యనుజ్ఞాయ తాన్సర్వానర్చయిత్వా చ పాండవః।
సత్కృతం శనం దివ్యమభ్యగచ్ఛన్మహామతిః॥ 1-238-30(10300)
తతస్తత్ర మహాబాహుః శయానః శయనే శుభే।
తీర్థానాం పల్వలానాం చ పర్వతానాం చ దర్శనం।
ఆపగానాం వనానాం చ కథయామాస సాత్వతే॥ 1-238-31(10301)
ఏవం స కథయన్నేవ నిద్రయా జనమేజయ।
కౌంతేయోఽపి హృతస్తస్మిఞ్శయనే స్వర్గసన్నిభే॥ 1-238-32(10302)
మధురేణైవ గీతేన వీణాశబ్దేన చైవ హ।
ప్రబోధ్యమానో బుబుధే స్తుతిభిర్మంగలైస్తతా॥ 1-238-33(10303)
స కృత్వాఽవశ్యకార్యాణి వార్ష్ణేయేనాభినందితః।
`వార్ష్ణేయం సమనుజ్ఞాప్య తత్ర వాసమరోచయత్॥ 1-238-34(10304)
తథేత్యుక్త్వా వాసుదేవో భోజనం వై శశాస హ।
యతిరూపధరం పార్థం విసృజ్య సహసా హరిః।'
రథేన కాంచనాంగేన ద్వారకామభిజగ్మివాన్॥ 1-238-35(10305)
అలంకృతా ద్వారకా తు బభూవ జనమేజయ॥ 1-238-36(10306)
దిదృక్షంతశ్చ గోవిందం ద్వారకావాసినో జనాః।
నరేంద్రమార్గమాజగ్ముస్తూర్ణం శతసహస్రశః॥ 1-238-37(10307)
`క్షణార్ధమపి వార్ష్ణేయా గోవిందవిరహాక్షమాః।
కౌతూహలసమావిష్టా భృశముత్ప్రేక్ష్య సంస్థితాః॥' 1-238-38(10308)
అవలోకేషు నారీణాం సహస్రాణి శతాని చ।
భోజవృష్ణ్యంధకానాం చ సమవాయో మహానభూత్॥ 1-238-39(10309)
స తథా సత్కృతః సర్వైర్భోజవృష్ణ్యంధకాత్మజైః।
అభివాద్యాభివాద్యాంశ్చ సర్వైశ్చ ప్రతినందితః॥ 1-238-40(10310)
కుమారైః సర్వశో వీరః సత్కారేణాభిచోదితః।
సమానవయసః సర్వానాశ్లిష్య స పునఃపునః॥ 1-238-41(10311)
కృష్ణః స్వభవనం రంయం ప్రవివేశ మహాబలః।
ప్రభాసాదాగతం దేవ్యః సర్వాః కృష్ణమపూజయన్॥ ॥ 1-238-42(10312)

ఇతి శ్రీమన్మహాభారతే ఆదిపర్వణి అర్జునవనవాసపర్వణి అష్టత్రింశదధికద్విశతతమోఽధ్యాయః॥ 238 ॥ ॥ సమాప్తం చార్జునవనవాసపర్వ ॥

Mahabharata - Adi Parva - Chapter Footnotes
1-238-1 అపరాంతేషు పశ్చిసముద్రతీరేషు॥
1-238-36 అలంకృతా ద్వారకా తు బభూవ జనమేజయ। కుంతీపుత్రస్య పూజార్థమపి నిష్కుటకేష్వపి॥ ఇతి చ, జ, ఝ, ఞ, డ, పాఠః॥
1-238-37 దిదృక్షంతశ్చ కౌంతేయం ఇతి చ, జ, ఝ, ఞ, జ, పాఠః॥
1-238-42 కృష్ణస్య భవనే రంయే రత్నభోజ్యసమావృతే।
ఉవాస సహ కృష్ణేన బహులాస్తత్ర శర్వరీః॥ ఇతి చ, జ, ఝ, ఞ, డ, పాఠః॥
అష్టత్రింశదధికద్విశతతమోఽధ్యాయః॥ 238 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.